13.09.2018 - Апел на СВР Тетово за превенција од пожари


Од пред извесно време во Полошкиот регион, на поедини места, можат да се забележат запалени и неизгаснати огнови, чии пламени јазици и чад брзо се шират наоколу.

Најчести места каде се палат вакви огнови се нивите на кои веќе е собран родот и на кои забрзано се чистат отпадоците, меѓи и стрништа, што е вообичаена земјоделска практика за овој период од годината.

Имајќи во предвид дека огновите неретко брзо пламнуваат и шират и дека овие денови претходеше и, според најавите на синоптичарите, ќе следи суво и ралативно топло време, Секторот за внатрешни работи Тетово апелира, пред се до земјоделците да не палат огнови и потоа да заминат од местото, но и да не фрлаат опушоци или неизгаснати догорчиња додека работат на нивните ниви.

Истото се однесува и на граѓаните кои поради најразлични потреби се движат низ шумите.И ним им се советува да бидат докрај внимателни, зашто доволно е само една искра да се претвори во голема огнена стихија, која потоа тешко се локализира и која може да има, односно да резултира со сериозни последици по животот и имотот на голем број граѓани.

Секторот за внатрешни работи Тетово потсетува дека намерното предизвикување пожар претставува кривично дело за кое, зависно од околностите и последиците, предвидена е и повеќегодишна затворска казна.


Наташа Петровска

 
     


 
 
25.09.2018 - Чист Хероин, збирката раскази на гостиварецот Дејан Крстески беше промовирана пред домашната публика

25.09.2018 - Реномираниот хор Кочо Рацин од Скопје утревечер ќе одржи концерт во Духовно-културниот концерт Кирил Пејчиновиќ во Лешок

25.09.2018 - Група млади гостиварци учат за мултукултурата и развиваат креативни идеи преку уметноста

25.09.2018 - Преку засилени контролни активности на СВР Тетово се контролира техничката исправност на возилата

25.09.2018 - Од вербална расправија до тепачка со мотика и кршење на излог на трговски објект во Гостивар

25.09.2018 - Ќе се ослободат ли тетовските тротоари од паркирани возила?

24.09.2018 - Во мавровското село Беличица, викендов беа одбележани 74 години од злосторот во кој настрадаа борците од третиот тетовски партизански одред

24.09.2018 - Тетово затрупан со смет

24.09.2018 - Кривични пријави за кражби поднел СВР Тетово против три државјанки на Бугарија кои краделе низ бутици

24.09.2018 - Контролни активности на СВР Тетово.

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.