08.08.2018 - Света Петка се прослави во патроната црква во Туденце

И годинава, традиционално во Туденце не изостана одбележувањето на православниот празник, посветен на Преподобна маченичка Параскева - Света Петка. Чествувањето започна со Света богослужба во патрониот храм Света Петка во селото. Туденчани со години го одбележуваат денешниот ден, селската црква е преполна уште од раните утрински часови, се палат свеќи за телесно и духовно здравје, се принесуваат дарови во чест и слава на Света Петка.
Света Петка е родена во Рим, воспитувана од своите родители во вистинска благочестива вера, во светото православие.

По светата литургија во дворот на црквата Света Петка отец Мицковски го прережа кумскиот колач, а потоа и лебовите кои сите семејства од селото ги принесоа за здравје.

Да се биде кум на прославата на патрониот празник на Туденце, Света Петка е голема чест за секој верник. Се верува дека кумството носи мир и благосостојба во семејството на оној на кого ќе му се падне паричката во кумскиот колач.

Мештаните од дамнина ги почитуваат црковните обичаи и традиции, така што празникот го одбележуваат и како црковна и како селска слава.

Како што доликува на секој црковно народен собир така и овој не помина без братско сестринската трпеза на љубовта. За присутните верници, веќе години наназад храната ја подготвува професионалниот готвач.

Прославата на празникот Света Петка продолжи во домовите на туденчани.

Данијела Билбилоска


 
     


 
 
18.10.2018 - Засилени контролни активности на СВР Тетово

18.10.2018 - Група пријатели, на договорени средби ги пеат песните на нивните предци

18.10.2018 - Заеднички настап на музичар и ликовен уметник

18.10.2018 - Пронајдена марихуана во ранец и приведени две лица за поседување дрога

18.10.2018 - Започна третманот на бездомните кучиња во Гостивар

17.10.2018 - Освен по маратони, спортистите во Македонија трчаат и по спонзори

17.10.2018 - Во изминатото деноноќие полицијата бележи пукање со пиштол, разбојништво, физички напади и сообраќајка.

17.10.2018 - Се гради нова фабрика во ТИРЗ Тетово

17.10.2018 - Невработени лица завршија обука за столари и ѕидари

16.10.2018 - Ученици од основното училиште Андреа Савески Ќиќиш преку настан потсетија на Тоше Проески.

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.