26.04.2018 - Советот на Општина Тетово ја одржа петтата седница

Најголемиот број од точките на дневниот ред се однесуваа на избор на претседатели и членови на Комисии на Советот на Општина Тетово.

Претседател на статусно-правната комисија ќе биде Аднан Билали, на комисијата за финансирање и буџет Бесар Дурмиши, на комисијата за урбанизам и заштита на животната средина Живе Алексовски, на комисијата за комунални дејности Александар Велјановски, на комисијата за јавни дејности Ариф Селмани, на комисијата за награди и признанија Џулсен Нухи, на комисијата за полова рамноправност Зана Каса, на комисија за проценка на штети од елементарни непогоди Гуцим Абдулаи, додека претседател на комисијата за односи меѓу заедниците поради технички причини ќе биде избран на следната седница.

На седницата беше верификуван и мандатот на новиот член на Советот, Љуљзиме Пајазити од Беса, додека на местото на сегашниот претседател на Советот, Беким Мемети, советниците го изгласаа предлогот - нов член на Комисијата за мандатни прашања, избори и именувања да биде Хатиџе Цека. Покрај тоа беше усвоен и предлогот за разрешување на двајца членови во Управниот одбор на Јавното претпријатие Градски паркинг.

Како дополнување на дневниот ред беше точката со која беше дадена согласност за изготвување на целосна документација за изградба на нова градинка, која на барање на Владата треба да и биде доставена до 2 мај.


На денешната седница беше одлучено дека сите советници ќе бидат овластени за склучување бракови на подрачјето на општина Тетово, при што ќе се менуваат еднаш неделно.

Инаку и Општина Тетово ќе учестува во расправата на Министерството за финансии, со тоа што ќе достави во писмена форма, предлог, објектите за игри на среќа да не се поставуваат покрај училишта, универзитети и верски објекти.

Данијела Билбилоска


 
     


 
 
30.11.2018 - Зимско одржување на патиштата

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

29.11.2018 - Етно вешта жена за Тетово за 2018 година

29.11.2018 - Три лица се повредени во сообраќајна незгода во тетовското село Синичане

28.11.2018 - Тетовци денес дишеа релативно чист воздух

28.11.2018 - Вработените во Општина Тетово во попладневните часови ги напуштија своите работни места.

28.11.2018 - 17-годишна девојка повредена, пак, повредена во сообраќајна незгода

27.11.2018 - Потсетување на гостиварските музичари Стеве Јаковлески и Боби Дојчинов

27.11.2018 - Каква титула би му дале на Тетово, потсетувајќи се назад низ годините?

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.