20.03.2018 - Денес е ден на среќата




Дали сме среќни, но и колку сме среќни и исполнети? Прашања кои најверојатно секој од нас барем еднаш ги поставува во животот. Ако досега не сте размислувале време е денес искрено да одговорите и да поработите на проблемот бидејќи на 20 март се одбележува Меѓународниот ден на среќата, ден востановен токму за да се сврте вниманието кон ова емоција.
Тетовци не се доволно среќни, а за да бидат посреќни им се потребни здравје и пари.

(тонски анкета)

Македонија е на 89. место на светската ранг листа за среќа на која се опфатени 156 земји, покажува Извештајот за среќа за 2018 година што го објави Организацијата на Обединетите нации. Од земјите во регионот, најсреќни се Словенците на 51. место, а следуваат Косово (61), Србија (78), Грција (79), Црна Гора (81), Хрватска (89), БиХ (93) и Бугарија (110). На врвот на листата на среќа на ОН е Финска, пред Норвешка и Данска, а во топ 10 најсреќни семји се и Исланд, Швајцарија, Холандија, Канада, Нов Зеланд, Шведска и Австралија.

Најнесреќни во светот се граѓаните на Бурунди. ОН го обајвуваат светскиот извештај за среќа, а се изработува врз основа на истражувања во секоја од 156 рангирани земји. Анкетираните со оценки од 1 до 10 одговараат на прашалник за одредени фактори во нивните земји како што се квалитетот на живот, сочувството кон другите, слободата, великодушноста, исреноста и здравјето.

Психолозите препорачуваат неколку начини за да поработите на среќата. На прво место место е да се прифатете се себеси и да не тежнеете кон невозможни работи. Не жалете за она што било, не успеало или било само лош избор. Но, не претерувајте ниту со фантазирањето и не ја идеализирајте иднината. Живејте сега, најдобро што знаете и можете. Потоа насочете ги мислите во позитивен правец, кога губите сметајте го тоа како лекција. Никогаш не правете нешто заради пари, слава или моќ. Уживајте во она што го правите И последно, но не и најмалку важно, престанете да се грижите, бидејќи дека 90% од класичните, секојдневни грижи никогаш не се остваруваат.

Меѓународниот ден на среќата прв пат беше одбележан на 20 март 2012 години откако Обединетите Нации во 2011 година одлучија секоја година на 20 март да се прославува Денот на среќата, ден кој треба да нè инспирира да преземеме чекори за посреќен свет.



Наташа Петровска

 
     


 
 
30.11.2018 - Зимско одржување на патиштата

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

29.11.2018 - Етно вешта жена за Тетово за 2018 година

29.11.2018 - Три лица се повредени во сообраќајна незгода во тетовското село Синичане

28.11.2018 - Тетовци денес дишеа релативно чист воздух

28.11.2018 - Вработените во Општина Тетово во попладневните часови ги напуштија своите работни места.

28.11.2018 - 17-годишна девојка повредена, пак, повредена во сообраќајна незгода

27.11.2018 - Потсетување на гостиварските музичари Стеве Јаковлески и Боби Дојчинов

27.11.2018 - Каква титула би му дале на Тетово, потсетувајќи се назад низ годините?

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.