13.03.2018 - Акција за ослободување на тротоарите




Под мотото "Твој град, твоја јавна површина", општина Тетово започна да спроведува акција за ослободување на тротоарите, пешачките патеки и зелените површини од импровизирани тезги, маси и слично за да се овозможи слободно движење на граѓаните.За оваа намена е изработен видео спот кој се емитува на медиумите и социјалните мрежи, а според информациите од локалната самоупрва сите сопственици на деловни простории добиле известување и рок од 8 дена да ги ослободат јавните површини.
Тој рок изминал вчера, а на профилот на градоначалничката на социјална мрежа Фејсбук беа објавени фотографии според кои на делови од Тетово било постапено според насоките на инспекциските служби.

„Сопствениците на продавниците соработуваа со општинските инспектори и во согласност со нивните барања и го остранија стоките, материјалите и инвентарот од тротоарите и зелените површини“ беше истакнато на социјалната мрежа.

Денес нашата камера се обиде да ги регистрира првичните активности на општинскиот инспекторат, но со оглед на тоа што е почеток на акцијата, најверојатно ќе почекаме на видливи резултати. На терен, пред се на тротоарите се уште може да се видат многу тезги и инвентар на угостиотелските објекти.

Од канцеларијата за односи со јавноста ни рекоа дека по завршувањето на акцијата за сработеното и ефектите ќе биде презентирано во изјава за медиумите.

Од општина Тетово нагласуваат дека сакаат преку информирање да поттикнат постојано почитување на Законот за јавна чистота, за да не дојде до ситуација да се употребат казнени мерки од страна на Општинскиот инспекторат, СВР Тетово и Државниот пазарен инспекторат. Оваа акција ќе продолжи и во наредниот период и на сите улици во градот, а ќе трае онолку долго колку што е потребно, се додека не се ослободат сите јавни места кои се наменети за сите граѓани, информираа општинскиите власти.



Наташа Петровска

 
     


 
 
25.09.2018 - Чист Хероин, збирката раскази на гостиварецот Дејан Крстески беше промовирана пред домашната публика

25.09.2018 - Реномираниот хор Кочо Рацин од Скопје утревечер ќе одржи концерт во Духовно-културниот концерт Кирил Пејчиновиќ во Лешок

25.09.2018 - Група млади гостиварци учат за мултукултурата и развиваат креативни идеи преку уметноста

25.09.2018 - Преку засилени контролни активности на СВР Тетово се контролира техничката исправност на возилата

25.09.2018 - Од вербална расправија до тепачка со мотика и кршење на излог на трговски објект во Гостивар

25.09.2018 - Ќе се ослободат ли тетовските тротоари од паркирани возила?

24.09.2018 - Во мавровското село Беличица, викендов беа одбележани 74 години од злосторот во кој настрадаа борците од третиот тетовски партизански одред

24.09.2018 - Тетово затрупан со смет

24.09.2018 - Кривични пријави за кражби поднел СВР Тетово против три државјанки на Бугарија кои краделе низ бутици

24.09.2018 - Контролни активности на СВР Тетово.

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.