12.03.2018 - Почист воздух оваа зима во Тетово во споредба со минатата




Тетовци минатиот месец имале привилегија да дишат почист воздух од оној што со години го дишеа. Овој февруари измина со најмалку денови со загадување на воздухот во последниве 6 години. Како што објави Министерството за животна средина и просторно планирање на својата интернет страна во месецот што измина регистрирани се вкупно 19 дена кога концентрацијата на пием 10 честичките била над дозволената гранична вредност.

Од почетокот на годинава заклучно со месец февруари се регистрирани вкупно 46 дена со загаден воздух, што е за 5 дена помалку од истиот период лани и за 9 дена помалку во споредба со истиот период во 2016 година.

За среќа и месечниот просек на концентрацијата на пи ем 10 честичките е далеку понизок во споредба со концентрацијата во зимските месеци. Средната вредност од дневното присуство на канцерогените честички во воздухот вп Тетово во февруари била 63 микрограми на метар кубен, додека истиот месец лани била 91 микрограми на метар кубен воздух. Само во три дена имало концетрација за двојно повеќе од безбедната по здравје вредност, за ралика од февруари минатата година кога во 7 дена биле мерени средно дневни концентрации од двојно повеќе до за 6 пати повеќе.

Според податоците што ги објавува Министерството за животна средина и просторно планирање од година в година се бележи имале подобрување на квалитетот на воздухот што го дишат тетовци во зимските месеци. Ако во декември 2014 и 2015 година речиси сите денови од месеците декември и последователно јануари и февруари биле со аерозагадување, во декември 2016 година се регистрирани 26 дена, а во декември 2017 година 21 ден со аерозагадување.



Наташа Петровска

 
     


 
 
30.11.2018 - Зимско одржување на патиштата

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

30.11.2018 - Светскиот тренд на предновогодишно фотографирање во професионално студио веќе неколку години го следат и тетовци

29.11.2018 - Етно вешта жена за Тетово за 2018 година

29.11.2018 - Три лица се повредени во сообраќајна незгода во тетовското село Синичане

28.11.2018 - Тетовци денес дишеа релативно чист воздух

28.11.2018 - Вработените во Општина Тетово во попладневните часови ги напуштија своите работни места.

28.11.2018 - 17-годишна девојка повредена, пак, повредена во сообраќајна незгода

27.11.2018 - Потсетување на гостиварските музичари Стеве Јаковлески и Боби Дојчинов

27.11.2018 - Каква титула би му дале на Тетово, потсетувајќи се назад низ годините?

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.