12.11.2017 - Жител на гостиварско повреден од огнено оружје



Вчера во 15.30 часот кај местото викано "Гропа" во гостиварското село Неготино, на 33 годишен жител на селото додека напасувал овци му дошол 37 годишен жител на село Чегране и по кратка расправија, чегранецот му доближил пиштол до десната шака и му испукал еден куршум, при што го ранил и потоа побегнал од местото на настанот - соопшти МВР. По укажаната лекарска помош во Медицински центар Гостивар, повредениот е пренесен во Медицински центар -Скопје на клиниката за пластична хирургија. Увид на лице место извршила екипа од Секторот за внатрешни работи Тетово. Причината најверојатно е претходно извршен физички напад од страна на сега повредениот врз 39 годишниот брат на напаѓачот.

Од денешниот полициски билтен и информација за тешка кражба. Како што соопшти МВР, вчера во времето од 17.00 до 23.00 часот во Тетово на ул. „Браќа Миладинови“ во куќа сопственост на 40 годишен тетовец, непознати сторители извршиле тешка кражба, при што одзеле 700 евра, два ковчега во кои имало златен накит и бижутерија и кутија во која имало златен ѓердан. Имено, сторителите со употреба на сила и тврд погоден предмет насилно ја отвориле пластичната шибер балконска врата од приземјето, влегле внатре каде што извршиле пребарување и претурање во дневната, детската и спалната соба и ги одзеле наведените предмети. Причинета е материјална штета од околу 600.000 денари.

Наташа Петровска

 
     


 
 
21.11.2017 - Новиот мост на Пена може да предизвика поплави

21.11.2017 - Нови успеси за карате клубот Љуботен

21.11.2017 - Вчера во полошко полицијата ги контролирала возилата кои вршат јавен превоз на патници

21.11.2017 - 26-годишен тетовец пронајден мртов во неговиот двор

20.11.2017 - Пијан гостиварец украл возило и удрел со него во бандера

20.11.2017 - Спортски вести

20.11.2017 - Пожар во ноќен клуб во Жеровјане

19.11.2017 - Одбележани 73 години од ослободувањето на Тетово

19.11.2017 - Одземени 19.300 денари при разбојништво во тетовската обложувалница

18.11.2017 - 4 килограми марихуана пронајдена кај тетовец

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.