19.10.2017 - Пожар во викендичка во село Једоарце и две кражби бележи денешниот полициски билтен

Двата ката од викендичка во тетовското село Једоарце се изгорени во пожар случен вчера околу 18 часот и триесет минути од засега неутврдени причини. Од огнот зафатени биле и косилка, машина за пченка и сечење, како и апарат за прскање. Со интервенција на тетовските пожарникари, огнот е локализиран, додека причинетата материјална штета се проценува на околу 200 илјади денари. По извршениот увид се утврдува причината за избувнувањето на пожарот, околностите и сите други поединости.

Полицискиот билтен на СВР Тетово информира и за тешка кражба во куќа во Лазарополе извршена на седумнаесетти октомври помеѓу 9 и 18 часот. Кражбата ја пријавила шеесет и седумгодишната Љ.М. мајка на сопственикот на куќата. Според СВР Тетово, засега непознати сторители го скршиле стаклото од влезната врата, влегле внатре и од плакар во спалната одзеле ловечка пушка калибар 12 милиметри и трофеен пиштол, сопственост на нејзиниот сопруг. Со одземеното, незабележани од никого, ја напуштиле куќата, причинувајќи вкупна материјална штета која се проценува на 30 илјади денари.

Уште една кражба бележи полицискиот билтен на СВР Тетово. Имено, засега непознати сторители извршиле тешка кражба на трафостаница, сопственост на ЕЛЕМ - ХЕЦ „Маврово“, лоцирана во близина на браната во Леуново, а која вчера ( 18 октомври ) ја пријавил 47-годишниот М.П, вработен во ХЕЦ„Маврово“.Тие се искачиле на електричниот столб на кој била поставена трафостаницата од 50 киловолти, ги пресекле каблите, ја спуштиле на земја и откако ги демонтирале, ги одзеле бакарните елементи од истата, по што незабележани се оддалечиле од местото. По извршениот увид се расветлува пријавеното и се превземаат мерки и активности за откривање на сторителите.

На крајот од денешниот полициски билтен и епилогот од вчерашните контролни активности спроведени на поширокото полошко подрачје, кога биле откриени вкупно 60 различни видови сообраќајни прекршоци. Десет лица ги управувале возилата без положен возачки испит, 11 возила имале истечена регистрација, 3 биле погрешно паркирани и друго.Вчерашните прекршоци заокружени се со 43 прекршочни и 17 мандатни платни налози. Контролните активности со ваква цел и карактер ќе продолжат и во наредниот период, при што посебен акцент ќе им биде ставен на возачките дозволи, регистрацијата, брзината со која се движат возилата и престигнувањето.

Соња Стрезовски


 
     


 
 
22.06.2018 - За викендов е закажан меморијалниот марш Марко Илиевски во организација на планинарскиот клуб Тетекс од Тетово

21.06.2018 - Здружението Институт за развој на заедницата заедно со своите партнери развија методологија за дистрибуција на средства од буџетот на општината

21.06.2018 - 52-годишен жител на Јажинце вчеравечер во полиција пријавил физички напад

21.06.2018 - Јетон Беќири е новиот тренер на фудбалскиот клуб Ренова

20.06.2018 - Тетовската полиција затекнала две лица кои се приведени поради сомневање за нелегална сеча на дрва

20.06.2018 - Тетовските пожарникари подготвени да се справат со предизвиците кои ги наметнува летниот период

19.06.2018 - Приведен дваесет и тригодишник од Порој, кој претходно бил баран со потерница

19.06.2018 - Од денес во Тетово се одржува седмото издание на филмскиот фестивал "Вач аут"

18.06.2018 - In memoriam Почина проф. д-р Вулнет Палоши

18.06.2018 - Денес е првиот ден од првиот уписен рок во средните училишта

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.