09.10.2017 - Апел на СВР Тетово до возачите

Наглото опаѓање на температурите, особено во раните утрински и доцните вечерни часови, како и повремената магла на поширокото тетовско-гостиварско подрачје, покрај другото, уште повеќе ја наметна потребата од внимателно возење и прилагодување на брзината според условите на коловозот. Зашто, токму поради неприлагодена брзина, влажен и лизгав коловоз и непочитување на сообраќајните знаци деновиве се случија десетина сообраќајни несреќи со телесни и тешки повреди и со значителна материјална штета.
Поради тоа, Секторот за внатрешни работи Тетово апелира до возачите и посебно до оние со помало искуство, непотребно да не брзаат и доследно да се придржуваат на ограничувањето на брзината, да не престигнуваат на недозволени места и да избегнуваат конзумирање алкохолни пијалаци, секогаш кога се или планираат да бидат зад волан. Во спротивно, на „пребрзите“ возачи ќе им се изготвуваат поднесоци и ќе се соочат со глоба која се движи од 10 до 400 евра во денарска противвредност, зависно од тоа - колку и каде ја пречекориле дозволената брзина, но и со времена мерка-одземање на возачката дозвола од 3 до 12 месеци.
Законски предвидената глоба за непрописно престигнување,пак, изнесува од 20 до 300 евра со времена мерка, исто така, од 3 до 12 месеци. Возачите кои ќе ги управуваат своите возила под дејство на алкохол ги очекува глоба од 200 до 375 евра во денарска противвредност и времено одземање на дозволата во траење од една година. Секторот за внатрешни работи Тетово, исто така, препорачува возачите кои ќе сообраќаат по долината на Радика да внимаваат на одрони од камења, кои обично се случуваат по побилни дождови и позначителни температурни разлики.



Наташа Петровска


 
     


 
 
16.07.2018 - Игоре куќа во село Туденце

16.07.2018 - Дваесет и седумгодишник од село Требош бил нападнат од жител на истото село.

16.07.2018 - Потребен е Локален акциски план за сите приоритетни области од Стратегијата за Роми во општина Теарце

15.07.2018 - Кражба во црквата во Луковица

15.07.2018 - Родителите за да препознаат дали нивното дете конзумира дрога треба да знаат да ги "прочитаат" промените во однесувањето

15.07.2018 - Прослава во Тетово

15.07.2018 - На албански државјанин му се губи трагата веќе три недели

14.07.2018 - Тетовската полиција денес инфомираше за повредени лица кои паднале во бездна во Галичник

13.07.2018 - Група од десеттина лица со безбол палки нападнале двајца тетовци вчера на улица во Тетово

13.07.2018 - Инфосесија на програмата на Европската унија "Креативна Европа" во Тетово

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.