08.08.2017 - Со црковно народен собир, денес во патрониот храм во Туденце, беше одбележан празникот Света Петка

И годинава, традиционално во Туденце не изостана одбележувањето на православниот празник, посветен на Преподобна маченичка Параскева - Света Петка.

Чествувањето започна со Света богослужба во патрониот храм Света Петка во селото. Туденчани со години го одбележуваат денешниот ден, селската црква е преполна уште од раните утрински часови, се палат свеќи за телесно и духовно здравје, се принесуваат дарови во чест и слава на Света Петка. Света Петка е родена во Рим, воспитувана од своите родители во вистинска благочестива вера, во светото православие.

Мештаните од дамнина ги почитуваат црковните обичаи и традиции, така што празникот го одбележуваат и како црковна и како селска слава.

Да се биде кум на прославата на патрониот празник на Туденце, Света Петка е голема чест за секој верник. Се верува дека кумството носи мир и благосостојба во семејството на оној на кого ќе му се падне паричката во кумскиот колач.

Во Туденце на овој ден доаѓаат гости од Тетово и околните села. Годинава на денешниот празник присуствуваа и голем број иселеници од Америка, кои воедно дошле за осветувањето на манастирот Свети Горѓи Победоносец.

Традицијата во овој сакрален објект кој датира уште од 1904 на овој празник да се збира православниот свет од тетовско, според кажувањата на постарите трае од дамнина. Како што доликува на секој црковно народен собир така и овој не помина без братско сестринската трпеза на љубовта, кои за верниците ја приредија црквата, населението во соработка со годинешните кумови и спонзорите.

Данијела Билбилоска


 
     


 
 
16.07.2018 - Игоре куќа во село Туденце

16.07.2018 - Дваесет и седумгодишник од село Требош бил нападнат од жител на истото село.

16.07.2018 - Потребен е Локален акциски план за сите приоритетни области од Стратегијата за Роми во општина Теарце

15.07.2018 - Кражба во црквата во Луковица

15.07.2018 - Родителите за да препознаат дали нивното дете конзумира дрога треба да знаат да ги "прочитаат" промените во однесувањето

15.07.2018 - Прослава во Тетово

15.07.2018 - На албански државјанин му се губи трагата веќе три недели

14.07.2018 - Тетовската полиција денес инфомираше за повредени лица кои паднале во бездна во Галичник

13.07.2018 - Група од десеттина лица со безбол палки нападнале двајца тетовци вчера на улица во Тетово

13.07.2018 - Инфосесија на програмата на Европската унија "Креативна Европа" во Тетово

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.