20.04.2017 - Малолетничка го ограбила својот дом

Секторот за внатрешни работи Тетово-Полициска станица Гостивар, ја расветли тешката кражба во куќата на 52-годишен гостиварец, која била извршена завчеравечер, а пријавена вчера наутро. Осомничена дека е сторител на оваа кражба е малолетничка со нецели 18 години, инаку ќерка на сопственикот на куќата. Осомничената, вечерта од регал во дневната соба го зела училишниот ранец во кој имало кутија со разновиден златен накит ( ќустек, нараквици, ѓердан и друго ) и преку прозорецот им го фрлила на двајца нејзини другари на возраст од 17 години, кои чекале во дворот, додека лапотопот кој, исто така, бил пријавен дека е одземен, го ставила на друго место, по што вчера наутро исценирала пребарување низ просториите. Осомничената и двајцата малолетници повикани се во Полициската станица Гостивар, разговарано е со нив и пронајдено е сето одземено. По целосното рачистување на сите поединости, во консулатација и координација со јавен обвинител, ќе следува соодветен поднесок.

Вчеравечер околу 22 часот, полициски службеници на Секторот за внатрешни работи Тетово го привеле 31-годишен албански државјанин од Корча, кој немал никакви документи за идентификација и нелегално престојувал во Република Македонија. По приведувањето, задржан е во Полициската станица Тетово, а денеска е предаден на Отсекот за прекуграничен криминал, миграции, странци и реадмисија за натамошна постапка и ќе се соочи со соодветен поднесок.

Вчера околу 14 часот и 30 минути, на Булеварот „Браќа Ѓиновски“ во Гостивар се случила сообраќајна несреќа во која учествувале две патнички возила: „Опел корса“ со гостиварски регистерски таблици, управувано од 27-годишен чегранец и „Фолсфаген туран“ со германски таблици, што го управувал 40-годишник од Чајле. Во судирот нема повредени, но причинета е значителна материјална штета. Извршен е увид и се утврдува причината за судирот. Првично, причина е непочитување на сообраќаен знак.

Секторот за внатрешни работи ги засили сообраќајно-контролните активности на патиштата, во функција на навремено откривање и отстранување на различните видови прекршоци и подобрување на вкупната ебзбедност на сите учесници. Вчера во Тетово откриени се триесетина сообраќајни прекршоци.Најбројни меѓу нив повторно се: управување без возачка дозвола ( 7 ) и неправилно паркирање ( 6 ). Покрај тоа, две возила биле со истечена регистрација, а 1 возач-почетник не се придржувал на законските ограничувања за оваа категорија возачи. Сите вчерашни прекршоци санкционирани, односно заокружени се со 21 прекршочен и 9 мандатни платни налози.

Данијела Билбилоска



 
     


 
 
17.12.2017 - Денеска е Св.Варвара

17.12.2017 - Од утре не очекува значително заладување на времето

17.12.2017 - Одржан Меморијалниот турнир во одбојка Бранко Хаџииљоски-Чајка

16.12.2017 - Непознато лице испукало два куршуми од огнено оружје во автомобил на тетовец

15.12.2017 - Со слики кои пленат, синоќа тетовскиот ликовен уметник Зоран Бошковски се престави пред скопската публиика

15.12.2017 - Во Тетово се одржа јавна дебата на тема граѓанско учество

15.12.2017 - Асоцијацијата за демократски развој на Ромите Сонце од Тетово одбележа 20 години од постоењето

14.12.2017 - Тетовска полиција има регистрирано две сообраќајки

14.12.2017 - Кривична пријава за бесправно градење

14.12.2017 - Водата од тетовскиот водовод е исправна и безбедна за пиење

     
   
     

 
Архива на вести
 
година
     
  месец  
   
     
 
       
  Текстовите кои се објавени смеат да се пренесат на други медиуми само со договор или со наведување дека потекнуваат од оваа интернет страница.